Furgoni i mallrave del nga rruga dhe përplaset me bordurën

11:53 | 14 Korrik 2019
L G

Një person ka humbur jetën, pas një aksidenti të ndodhur paraditen e sotme, në aksin Tiranë-Vorë.  Sipas policisë, një furgon mallrash ka dalë nga rruga dhe është përplasur me bordurën anësorë të rrugës.

Për pasojë ka humbur jetën pasagjerja, ndërsa është plagosur rëndë drejtuesi i mjetit. Nuk dihen ende shkaqet e këtij aksidenti, ndërsa polica po punon për zbardhjen e plotë të ngjarjes.

Njoftimi i plotë i policisë:

Tiranë/Informacion paraprak

Në rrugën dytesore Vorë-Tiranë një furgon që shërbente për transport mallrash me drejtues shtetasin A.K.,rreth 28 vjeç ka humbur kontrollin dhe ka dalë nga rruga duke u përplasur me bordurën e rrugës.

Si pasojë e përplasjes ka ndërruar jetë pasagjerja e mjetit e cila prej dëmtimeve të rënda të shkaktuara nuk është identifikuar, ndërsa drejtuesi i mjetit ndodhet në

SQU nën kujdesin mjeksor në gjëndje kritike për jetën.

Grupi hetimor vijon punën për zbardhjen e rrethanave dhe shkakut të aksidentit.

Shpërndaje në rrjete sociale

Lajmet më të lexuara

Të ngjashme

Foto lajm